roubar

1. v t

   1. Apoderarse do alleo sen consentimento do dono con ou sen violencia ou engano.

      Ex: Roubáronme a carteira e deixáronme sen un céntimo. OBS: Nalgunhas construcións omítese o complemento e adquire valor absoluto. Ex: Asegúroche que non roubei nunca.

   2. Apropiarse de algo non material que corresponde a outra persoa.

      Ex: Loitaron para que non lle roubaran os seus dereitos laborais. Rouboulle o tema do seu próximo relato.

   3. Quitar a unha cousa algo que lle corresponde.

      Ex: Os estudos róubanlle moitas horas de sono. O recheo róuballe espazo ao mar.

2. v t

   Reter algo ou alguén contra a súa vontade.

   Ex: Lograron desarticular unha rede que roubaba cans de raza.

3. v t

   Sacar beneficios de algo a custa de enganar a alguén na calidade, cantidade ou prezo de algo.

   Ex: O tendeiro rouba diñeiro no peso. OBS: Nalgunhas construcións omítese o complemento e adquire valor absoluto. Ex: Non ir xantar aí que vos rouban. O mecánico rouba nos arranxos.

   Sinónimos: estafar.
4. v t

   Coller as cartas ou fichas que quedan sen repartir en xogos como a baralla ou o dominó.

Frases feitas

• Roubar o corazón a alguén. Cativar ou conquistar o corazón a alguén.

Refráns

• Bens mal adquiridos a ninguén enriqueceron.
• Furtando unha castaña e outra castaña, faise mala maña.
• Gran roubado non arrequece no sementado.
• O atopado non se pode dicir que é roubado.
• Ó cuco non Ile cuques e ao ladrón non lle furtes.
• O que come cabrito e cabra non ten, de algures lle vén.
• O que de alleo se viste, na rúa o ispen.
• O que rouba ao ladrón ten cen anos de perdón.
• Os que cabritos venden e cabras non teñen ¿de onde lles veñen?
• Quen rouba a un ladrón, gaña cen anos de perdón.
• Sancristán que vende cera e non ten colmea, que o digan as velas da igrexa.
• Vale máis pedilo que roubalo.