Revista Literaria

Revista publicada en Santiago de Compostela a partir do 16 de outubro de 1848 que cesou en decembro dese ano. Publicada como suplemento cultural do Diario de Santiago, incluíu artigos, novas universitarias, bibliografía e poemas, moitos deles elaborados polo seu director, Antonio Neira de Mosquera. O proxecto tería continuidade en El Santiagués, revista que apareceu tres veces por semana entre o 3 de decembro de 1850 e o 29 de marzo de 1851.