Revista Médica

Revista publicada en Santiago de Compostela a partir de febreiro de 1847 que cesou en febreiro do ano seguinte. Subtitulada “Publicación de la Academia Médica de Emulación de Santiago”, saíu cada quince días promovida por esta sociedade médica. Editada nos obradoiros de Viuda e Hijos de J. Compañel, elaborárona os propios membros da academia e tivo un carácter profesional, dirixida a informar sobre o sector. A publicación cambiou de cabeceiras nos anos seguintes: Revista General de los Progresos de la Medicina en Europa y América (1877); Boletín de Medicina y Cirugía (1899); Revista Médica Gallega (1900) e Revista Médica Gallega (1921).