Saint-Denis

Cidade do departamento de Seine-Saint-Denis, situado na rexión de Île-de-France, Francia (85.832 h [1999]). É un importante centro industrial do canal de Saint-Denis, ao N de París. Destaca a súa abadía real e a igrexa fundada por Dagoberto cara ao 630, que Luís IX o Santo converteu en panteón dos reis de Francia. Destacan as tumbas de época renacentistas. O edificio que se conserva, consagrado en 1140, non foi acabado ata 1281.