salicílico -ca

Relativo ou pertencente ao ácido salicílico, aos seus derivados ou aos da salicina.

Hidroxiácido carboxílico aromático que se presenta en forma de agullas incoloras de gusto doce que se volve amargo, solubles nos solventes orgánicos e pouco solubles na auga, que se funden a 159°C. Emprégase fundamentalmente na fabricación da aspirina e de diversos ésteres, e doutros derivados que tamén presentan actividade farmacolóxica.

Composto fenólico que se presenta na natureza en forma de glicósido en varias especies dos xéneros Salix e Populus. Emprégase en medicina para o tratamento tópico do reumatismo.

Líquido oleoso, incoloro, con olor de améndoas amargas, soluble en alcohol, éter e benceno, que ferve a 197°C. Emprégase como axente quelante na análise química, en perfumaría e na síntese da cumarina.