Samoa, illas

Arquipélago do Océano Pacífico, na Polinesia, situado ao S do ecuador (3.041 km²). Consta de seis illas e numerosos illotes formados por picos emerxidos dunha cordilleira volcánica. Administrativamente está dividido no estado independente de Samoa e en Samoa Americana, dependencia de EE UU. En 1830 un misioneiro inglés, John Williams, visitounas. A finais do s XIX, Alemaña, Reino Unido e EE UU obtiveron certos privilexios para os seus súbditos.