Temas

Arquipélago do lago Huron, Canadá, que pertence á provincia de Ontario e está formado por tres grandes illas, Manitoulin, Cockburn e Drummond, e numerosas illas pequenas.

Grupo das illas Virxes que ata que foron vendidas aos EE UU no ano 1917 estiveron baixo a soberanía danesa.

Illa do mar de Okhotsk (76.400 km²), situada en Rusia, separada do continente asiático, no O, polo estreito de Tartaria e a illa de Hokkaidō (Xapón), e ao S, polo estreito de La Pérouse. Posúe depósitos de petróleo, gas, carbón, mercurio, ouro e platino. Poboada nun 80% por rusos, hai minorías de ucraínos, bielorrusos, coreanos, tártaros e outros. Colonizada polos xaponeses no s XVIII, foi repartida entre uns e outros, ata que, despois da Segunda Guerra Mundial, Xapón tivo que darlle á URSS a metade meriodional que posuía.

Illa de Indonesia, a máis grande das Molucas, situada ao L das illas Célebes. Moi montañosa, está cuberta de bosque ecuatorial. A súa poboación dedícase ao cultivo de arroz, especias, cana de azucre, tabaco, cacao e café. A cidade principal é Ternate.

Illa da beira setentrional da ría de Muros e Noia, no litoral da parroquia de Esteiro, concello de Muros.

Illa da beira meridional da ría de Arousa, situada no litoral oriental da parroquia e concello do Grove. Unida ao continente por unha ponte, é un destacado centro turístico, que conta entre os seus principais atractivos cun balneario de augas termais e un casino de xogo.

Illa de Filipinas, situada ao N do arquipélago, entre o Pacífico, ao L, e o mar de China Meridional, ao O (108.172 km²; 23.900.796 h [1980]). A súa capital é Manila. O N da illa é montañoso, e a parte central é máis elevada ca a parte oriental, coa Sierra Madre (Cetaceo, 1.834 m). Na parte occidental están as montañas de Zambales. O S está formado polas penínsulas Batangas (ó S) e Camarines (ó SL). O clima é tropical, con estación seca e fresca de outubro a marzo, e con frecuentes furacáns no N. Os ríos principais son o Cagayan e o Pampanga. A poboación está constituída por unha gran variedade étnica: os pobos malaios ocupan o centro, a costa occidental e a península de Camarines, nas montañas hai pequenos grupos indíxenas dedicados á caza e á agricultura máis primitiva, e o resto está poboado por mestizos de españois e malaios e por chineses. As cidades máis importantes son Manila, a capital, e Batangas, Cabanatuan e Tarlac. A riqueza económica baséase nos produtos...

Pequena illa situada na enseada de San Simón, no fondo da ría de Vigo, na parroquia de Cesantes (Redondela). De 250 m de longo e 84 de ancho, é pouco elevada e escarpada no litoral. Orixinariamente eran dúas illas, San Simón e Santo Antonio, que máis tarde se uniron por unha ponte. Pertenceu á orde do Temple desde o s XII ata o s XIV e as súas dependencias foron ocupadas polos franciscanos, que sufriron o saqueo de F. Drake en 1589. En 1598 instaláronse monxes procedentes de San Xoán de Poio que reconstruíron o vello convento. Anos despois regresaron os franciscanos ata que en 1702, despois da Batalla de Rande, o convento foi destruído. Reedificado de novo, permaneceron nel ata que se trasladaron en 1809 a Agrelo. En 1830 aprobouse este emprazamento para usalo como lazareto da cidade de Vigo. Na illa de Santo Antonio estaban os enfermos sen cura e na de San Simón os que poderían curarse. Durante a Guerra Civil e ata 1943 foi cárcere e despois albergue e fogar para orfos de mariñeiros....

Arquipélago do Océano Pacífico, situado fronte ás costas de Chile, formado polas illas San Félix e San Ambrosio.

Illa do Paraguai, no río Paraná, situada entre os departamentos de Itapúa e Misiones (485 km²).