Temas

Illa de illas Mauricio (109 km²; 35.779 h [2000]).

Illa de Indonesia, no arquipélago da Sonda, situada entre as illas de Bangka (ó O) e Borneo (ó L). Ten unha superficie de 4.700 km² e pertence administrativamente á provincia de Sumatra Meridional, Indonesia.

Illa de EE UU, situada na costa atlántica, delimitada polos ríos Hudson, Harlem e East River. Constitúe a parte máis antiga e céntrica de Nova York, con máis de dous millóns de habitantes. Ten uns 21 km de longo por 3 de largo, e a falta de espazo foi a causa de que a comezos do s XX se comezasen a construír rañaceos.

Nome co que tamén se coñece o arquipélago das illas Tonga.

Arquipélago do golfo de Bengala situado en India (1.725 km²; 14.600 h [1980]). Xunto coas illas Andaman, forman o territorio de Andaman e Nicobar, e son a continuación da cordilleira birmana. O clima é caloroso e están cubertas de bosque e de sabana. A poboación é moi variada pero quedan poucos aborixes de raza paleomongoloide, de lingua do grupo mon-khmer. Os habitantes concéntranse en Great Nicobar, a illa máis montañosa.

Illa do Mar Adriático, pertencente a Croacia (93 km²; 9.205 h [1991]). É un importante centro turístico. A súa capital, Rab, foi bispado católico ata 1828.

Illa do Océano Atlántico, situada nas pequenas Antillas, separada uns 15 km ao NL de Venezuela polo golfo de Paria (4.717 km²; 1.070.582 h [2000]). Xunto coa illa de Tobago forma o estado de Trinidad e Tobago. Está percorrida ao N por unha cordilleira que se estende en dirección L-O, paralela á costa, alta e rochosa, que culmina no Aripe (940 m) e que está cuberta de bosque denso. O clima é ecuatorial, con temperaturas suavizadas pola influencia marítima. Nela está a capital do estado, Port-of-Spain.

Parque Nacional das Illas Atlánticas.

Illa de EEUU, situada na costa atlántica, no extremo SL do estado de New York, do que forma parte (4.351km²). Está separada do continente polo estreito de Long Island Sound, de 176 km de longo. Ao SO está o barrio de Brooklyn, que forma parte da aglomeración urbana e portuaria de Nova York.

Arquipélago de Indonesia. Esténdese entre o estreito de Macassar ao O, o mar de Célebes ao N, o mar das Molucas e o mar de Banda ao L, e o mar de Flores ao S. Está constituído por unha grande illa, Célebes (Sulawesi), e por outras máis pequenas, entre as que destacan Butung, Peleng, Muna, Kabia e Banggai. As illas Célebes están compostas por catro penínsulas moi accidentadas e formadas principalmente por lousa e macizos graníticos. O clima é ecuatorial e propicia unha vexetación dominada polo bosque tropical. A poboación está integrada por distintos pobos e tribos; destacan na península de Macassar os macasares e os bugis musulmáns. A principal actividade económica é a agricultura. Exporta café, copra e millo. Ujung Pandang (na antiga Macassar) é o porto e centro comercial principal da illa. No s XIV establecéronse soldados musulmáns no sector meridional. En 1512 os portugueses explorárona e establecéronse nela. A comezos do s XVII comezaron a penetrar nas illas do arquipélago os holandeses,...