Temas
Arquipélago da costa NO de Francia no Canal da Mancha, pertencente administrativamente a Gran Bretaña (195 Km2; 148.000 h [estim 1995]). Constitúen unha prolongación do macizo da Armórica, e ten un relevo con costas altas e escarpadas. O arquipélago comprende as illas de Guernesey, Jersey, Alderney, Sark, Herm e outras máis pequenas. As principais poboacións son Saint Peter Port en Guernesey e Saint Helier en Jersey. As illas foron ocupadas polos alemáns dende 1904 ata finais de 1945. O dereito baséase no Grand Coutumier de Normandía, elaborado no s XIII, con engadidos posteriores de leis inglesas. As linguas oficiais son o francés en Jersey e o inglés en Guernesey, aínda que no campo se fala un dialecto francés.
Arquipélago situado na zona meridional das Pequenas Antillas, fronte á costa venezolana.
Illa pertencente as illas Molucas, Indonesia, situada entre o mar de Seram, ao N, e o mar de Banda, ao S (17.087 km2; 97.000 h [estim 1980]). É unha illa montañosa, con cumios que acadan os 3.000 m de altitude. Os seus principais recursos económicos son a agricultura, a pesca e a explotación forestal. A partir de 1650 foi ocupada polos holandeses, que estableceron factorías. Foi incorporada á República de Indonesia en 1950.
Conxunto de illas do mar Caribe que constitúen unha unidade autónoma dependente dos Países Baixos (800 km2; 189.474 h [1992]). Comprenden dous grupos de illas: por unha parte, Curação (444 km2; 144.097 [1992]) e Bonaire (288 km2; 10.187 h [1992]) situadas fronte ás costas de Venezuela; por outra, Saba (13 km2; 1.130 h [1992]), Sint Eustatius (21 km2; 1.839 h [1992]) e a metade meridional (a outra metade pertence a Francia) da illa de Sint Marteen (34 km2; 32.221 h [1992]) nas Pequenas Antillas, situadas ao L de Porto Rico. A capital é Willemstad (43.517 h [1992]), na illa de Curação. O Reino dos Países Baixos está representado por un gobernador responsable das relacións exteriores. O neerlandés é a lingua oficial e o florín a moeda oficial. A economía baséase na refinería de petróleo procedente de Venezuela e México, que emprega ao 25% da poboación ocupada de Curação. A agricultura e gandería son pouco importantes e só destacan...
Illa do arquipélago das Salomón Setentrionais que constitúe unha provincia de Papúa Nova Guinea (9.300 km2; 155.600 h [estim 1989]). De orixe volcánica está atravesada de N a S por unha aliñación montañosa que ten o seu cumio no Mount Balbi (3.123 m). Unha chaira litoral esténdese ao SO entre Torokina e Buin. Basea a súa economía na agricultura e no mineral do cobre. Recibiu o nome do explorador francés Louis Antoine de Bougainville, que a descubriu no ano 1768. No ano 1899 pasou a control alemán despois do tratado anglo-alemán, e en 1920 pasou a depender da administración de Australia. Durante a Segunda Guerra Mundial foi ocupada polos xaponeses. Ao remate do conflito volveu co resto da antiga Nova Guinea alemá á administración fiduciaria de Australia, que lle concedeu o autogoberno en 1973. Ao acceder a independencia Papúa Nova Guinea en 1975, Bougainville ficou incluída no novo estado. No ano 1989 principiou as súas actividades bélicas un movemento guerrilleiro independentista....
Illa do océano Ártico, situada fronte á costa nordés de Siberia, entre o mar de Siberia Oriental e o mar de Chukotka (7.300 km2). Leva o nome do seu descubridor, F. P. Wrangel (1823). Posesión da URSS desde 1924, está habitada por chukchis.
Illa de Melanesia, situada no Océano Pacífico, ao N de Australia, e separada desta polo estreito de Torres (827.321 km2; 4 746 267 h [1990]). Repártese entre Indonesia e Papua Nova Guinea, estado independente desde 1975. Atravésaa un eixe montañoso formado pola gran cordilleira central, de 2.000 km de lonxitude e con grandes altitudes, que ao SL forma unha estreita península. Ao N da cordilleira ábrese unha ampla depresión que comprende a chaira dos vales e os lagos do Sepik, o Ramu e o Markham. Ao S da cordilleira central esténdese unha inmensa chaira aluvial, percorrida polos ríos Fly, Strickland e Kikori. Ten un clima ecuatorial, moi caloroso nas chairas. O bosque tropical húmido cobre a maior parte da chaira e as montañas, ata os 1.200 m. A máis altitude o bosque tropical húmido dá paso ao bosque de coníferas e prados. A maioría da poboación é melanesia: pigmeos nas montañas do interior, dedicados á caza e á recolección, e papús na costa, que practican unha agricultura de...
Arquipélago situado no Pacífico que comprende as illas Rimatara, Rurutu, Raivavae e Tubuai, que forma a circunscrición administrativa de Tubuai, Polinesia Francesa (164 km2; 6.563 h [1996]). A súa capital é Tubuai.
Arquipélago francés, de orixe coralina, situado en Melanesia, Oceanía (2.072 km2; 15.510 h [1983]). Depende administrativamente de Nova Caledonia. As illas principais son Ouvéa, Lifou e Maré.
