segredo

1. s m

   Cousa que se ignora, se oculta ou non se debe coñecer.

2. 1. segredo de confesión / [DER/RELIX]

      Obriga e dereito que ten o sacerdote de absterse de revelar o que o penitente lle confesou no sacramento de penitencia. A revelación do segredo comporta a pena de excomuñón. OBS: Tamén se denomina sixilo sacramental.

   2. segredo de estado / [DER/POLÍT]

      Segredo inherente aos asuntos políticos e diplomáticos. A súa revelación compromete a seguridade do Estado.

   3. segredo de sumario [DER]

      Segredo encamiñado a garantir tanto a administración de xustiza como a defensa dos intereses persoais das partes implicadas, mentres se fan as dilixencias pertinentes para a descuberta da verdade dos feitos. Están obrigados a mantelo todas as persoas que coñezan os feitos do sumario e especialmente os funcionarios da administración, os avogados e os procuradores dos tribunais. Dura ata que comeza o xuízo oral.

   4. segredo profesional [DER]

      Obriga de determinados profesionais de non divulgar aquilo que coñeceron por razón do seu oficio e con relación ao servizo, se non é con consentimento de quen o pode autorizar.

   5. s m

      Discreción máxima.

   6. segredo bancario [ECON]

      Obriga consuetudinaria das entidades bancarias, e do seu persoal, de gardar unha discreción total sobre as relacións bancarias mantidas cos seus clientes.

3. s m

   Cousa misteriosa que non foi explicada nin descuberta.

4. s m

   Cousa, sistema ou maneira non coñecida que serve para acadar un determinado fin.

5. s m

   Departamento secreto que teñen algúns mobles antigos para gardar cousas.

6. s m

   Mecanismo escondido que teñen algunhas fechaduras.

7. s m [MÚS]

   Táboa harmónica do órgano, do piano e doutros instrumentos semellantes.

   Sinónimos: saimel.

Frases feitas

• En segredo. Sen que se saiba.

Refráns

• A miña comadre bota pola boca todo canto sabe.
• Amores, dores, celos e diñeiros non queren estar secretos.
• Bo é o amigo para calar, pero mellor é non darlle segredo a gardar.
• Co tempo todo se sabe.
• Das novas non vos coidedes, que xa se farán vellas e xa as saberedes.
• Descubrinme a el como amigo e armóuseme como testigo.
• Di o teu segredo ao amigo e faraste seu cautivo.
• Di o teu segredo ao teu amigo e faraste seu cautivo.
• Dille ao amigo o teu segredo e quedarás del preso.
• En consellas as paredes son orellas.
• Entre o ceo e a terra non hai nada que non se saiba.
• Garda o segredo no teu seo, non o metas no alleo.
• Mirade o que facedes, que o que na casa fixerdes, na rúa o oiredes.
• Na boca do lareta non hai cousa secreta.
• Non hai cousa encuberta que tarde ou cedo non se "seipa".
• Non hai cousa secreta que tarde ou cedo non se "seipa".
• Non hai nada encuberto, que non sexa descubertoo
• Non hai segredo que non se saiba tarde ou cedo.
• Non hai segredo que o sexa por moito tempo.
• Non hai segredo que tarde ou cedo non sexa descuberto.
• O que non queres que se saiba non o digas a ninguén.
• O que non se sabe é o que non se di.
• O que o neno oíu na casa, vaino dicir ao curral.
• O que pensa que as paredes calan, ben enganado anda.
• O segredo do teu amigo gardarás e o teu non o dirás.
• Os nenos son fillos de Deus e testemuñas do demo.
• Polo que garde no meu peito, non teño preito.
• Por fondo que o demo cave, todo se lle sabe.
• Quen non cala o mal seu ¿como calará o teu?
• Quen se fía do segredo das paredes, sae vendido moitas veces.
• RuÍn é o paxariño que descobre o seu niño.
• Ruín será na casa quen o vai pregoar á praza.
• Sábeo Vicente e sábeo toda a xente.
• Se falasen as paredes, non habería segredo que non se soubese.
• Segredo de dous, sábeo Deus; segredo de tres, sábeo quen quer.
• Segredo entre moitos malo é de gardar.
• Segredo, que de dous é, xa segredo non é.
• Valéralle máis calar ao que ten qué tapar.
• ¡Ai, madriña, que iso que me di, xa eu llo sabía!
• ¿Qtien sabe o que hai dentro da arca que está pechada?