Socialista, El

Publicación editada en Madrid a partir de 1886, voceira do Partido Socialista Obrero Español (PSOE). Dirixida inicialmente por Paulo Iglesias, naceu como semanario e converteuse en diario en 1912. Durante a Guerra Civil trasladou a súa redacción a Barcelona, entre o 2 de maio de 1938 e o 21 de xaneiro de 1939. Posteriormente publicouse en Francia intermitentemente durante o Franquismo, ata que reapareceu en 1977 como revista mensual en Madrid.