Sociedade, illas da

Arquipélago do Océano Pacífico, o máis occidental dos que forman a Polinesia Francesa (1.617 km²; 189.524 h [1996]). Consta das illas do Vento (Tahiti, Moorea) e das de Sotavento (Raiatea, Tahaa, Bora-Bora e Huahine). A máis importante é Tahiti, onde se atopa a capital, Papeete (25.553 h [1996]). As plantacións de cocoteiras para a exportación de copra e de vainilla son os recursos principais. Tamén destaca o turismo.