sono

1. 1. s m [FISIOL]

      Estado fisiolóxico temporal que constitúe o período de descanso do corpo e da mente, durante o que a consciencia e a vontade son suspendidas totalmente ou parcialmente e as funcións orgánicas diminúen. Durante o sono detéctanse dúas fases, o sono paradóxico ou REM e o sono ortodoxo ou SOL.

   2. sono artificial/terapéutico [FISIOL]

      Sono que está provocado pola administración de medicamentos, coa finalidade de diminuír o metabolismo.

   3. sono eléctrico [FISIOL]

      Estado de anestesia xeral que está producido pola aplicación dunha corrente eléctrica rapidamente interrompida.

   4. sono hipnótico / [FISIOL/MED]

      Sono que está provocado pola hipnose, ao que se recorre con finalidades terapéuticas.

2. s m

   Vontade de durmir.

   Ex: Voume deitar porque teño moito sono.

3. enfermidade do sono [PAT]

   tripanosomíase africana.

Frases feitas

• Coller/dar/pegar/prender o sono. Quedar a durmir.

• Quitar o sono. Preocupar algo.

• Sono eterno/Último sono. A morte.

Refráns

• Canto máis se dorme, menos se vive.
• Canto se deixa de durmir, gáñase de vivir.
• Durmindo esquéncense as coitas.
• Durmirei, durmirei e boas novas toparei.
• O que ten besta soña coa albarda.
• O sono e a morte son irmáns xémeos.
• Padezo este mal que me ha consumir: que despois de farto bótome a durmir.
• Para o moito sono non hai xergón duro.
• Quen moito dorme, lagañas cría.
• Quen moito dorme, pouco aprende.
• Soñaba o cego que vía e soñaba o que quería.
• Soñar durmindo ou soñar desperto é como andar a rolos ou dando voltas por un deserto.
• Sono de abril, déixallo ao teu fillo durmir.
• Sono de maio, déixao para o teu criado.
• Un soño saca outro soño.