Split

Capital do condado de Split-Dalmacia, Croacia (173.692 h [2001]). Situada no litoral adriático, é o porto máis importante de Croacia, sede de numerosas industrias, e un importante centro turístico. Fundada por soldados e prófugos salonitas (615?), foi dominio bizantino ata a conquista veneciana de 998. Pasou a Austria polo Tratado de Campoformio (1797). Anexada novamente a Italia (1806) e Iliria (1809), foi unida a Iugoslavia en 1919. Destacan os restos do palacio de Diocleciano.