sufraxio

Obra pía feita polos fieis con vistas a obter para outro, vivo ou defunto, a remisión das penas temporais debidas aos seus pecados xa perdoados.

Manifestación da propia vontade por medio de calquera procedemento, xeralmente por un voto.

Manifestación da propia vontade por medio dun voto nunhas eleccións para a provisión dun cargo ou para calquera outro tipo de consulta. Segundo o procedemento de elección pode ser sufraxio directo (cando o elector elixe directamente os seus representantes) ou indirecto (cando o elector designa un intermediario coa misión de elixir os representantes). Atendendo á composición do electorado, o sufraxio pode ser restrinxido ou censitario (que queda limitado pola raza, a situación económica) ou universal (que supón o dereito a votar para toda persoa que teña a maioría de idade política).