sufrimento

1. s m

   Acción e efecto de sufrir.

2. [MED/PAT]
   1. s m

      Padecemento, físico ou psíquico, máis ou menos prolongado.

   2. sufrimento fetal

      Estado patolóxico do feto que deriva dun deficiente abastecemento de osíxeno aos tecidos. Pode orixinar lesións irreversibles no sistema nervioso e outros órganos, que poden comportar a morte do feto ou secuelas definitivas. Pódese producir a consecuencia dunha alteración no organismo materno, de complicacións do embarazo, de alteracións do parto ou de anomalías do feto mesmo.

Refráns

• A besta pola carga e o home pola palabra.
• A dor ensina a parir.
• Cada altar ten a súa cruz.
• Con sufrir todo se alcanza.
• Mellor é padecer que máis padecer.
• Moito sofre quen ben quere.
• Non hai mal onde non hai doro
• Non padece o que non encanece.
• Sofre quen penas ten, que un tempo tras de outro vén.
• Sufre ao mal veciño e libraraste doutro máis maliño.
• Sufrir con paciencia non é mala penitencia.
• ¡Benia os que saben sufrir sen ter que chorar!