Suharto

Militar e político indonesio. En 1940 ingresou no exército neerlandés das Indias Orientais, pero durante a Guerra do Pacífico (1943) pasou ás forzas xaponesas por motivos nacionalistas. Rematada a guerra, participou na loita contra o dominio neerlandés (1945-1949). Xeneral de brigada (1962), en 1965 dominou un intento revolucionario comunista e a seguir asumiu o poder efectivo. Xefe de estado maior e ministro de Defensa, en 1967 fixo dimitir o presidente Ahmet Sukarno, e substituíuno (1968). Desde entón encabezou un réxime autoritario que perseguiu os comunistas e a oposición en xeral; anexou pola forza Nova Guinea Occidental (1969) e o antigo Timor portugués (1976). Abandonou o cargo en 1998.

Cronología