suma

adición.

Resultado dunha adición. A suma aritmética entre números a + b = c equivale a dicir que a reunión de dous conxuntos que teñen a e b elementos, respectivamente, é un conxunto que ten a + b elementos. O símbolo que indica suma é +.

Reunión ou conxunto de certas cousas.

Recompilación de todas as partes dunha ciencia.

Coleccións de sentenzas, feitas na Idade Media e rigorosamente ordenadas, referidas á escolástica (suma de sentenzas), das que destacan as de Hugo de San Vítor, Alexandre de Hales e Pedro Lombard; e á filosofía (suma filosófica) e teoloxía (suma teolóxica), onde destacan as de Tomé de Aquino.