sémola

Produto intermedio da moedura dos cereais, que se separa da flor da fariña e das partículas de farelo nas peneiras e vólvese moer para obter máis fariña. Segundo o seu diámetro, clasifícase en sémola gorda (máis de 0,6 mm) e fina (de 0,4 a 0,6 mm). A sémola de trigo emprégase para facer sopas e papas e na fabricación de pastas alimenticias. A sémola de millo emprégase como sucedáneo da sémola de trigo e para facer pudins. A sémola de arroz, empregada xeralmente para facer sopas, denomínase tamén sémola branca.