Támesis

Río máis importante de Inglaterra, de 338 km de lonxitude. Nace ao pé do altiplano calcáreo de Costwolds Hills, no condado de Gloucestershire, e atravesa Oxford e Londres. Pouco despois, en Teddington, expándese formando un esteiro de 16 km de ancho para desembocar no mar do Norte. Navegable en case todo o seu percorrido, é unha das vías comerciais máis importantes do mundo.