taxiko -ka

Relativo ou pertencente a Taxikistán, aos seus habitantes ou á súa lingua.

Natural ou habitante de Taxikistán.

Relativo ou pertencente ao pobo taxiko.

Individuo do pobo taxiko.

Pobo iraniano, de etnia turánida, que habita nas provincias setentrionais de Afganistán desde Herāt ata Badakhšan e na actual República de Taxikistán. Dominados polos turcos mongois nos ss XIV-XV, o seu territorio foi obxecto de disputas entre persas e uzbekos, (ss XVI-XVII), e máis tarde (ss XVIII-XIX), entre Afganistán e os khanatos de Bukhara e Kokand. Coa anexión dos khanatos ao dominio ruso entre 1868 e 1876, o territorio quedou dividido entre Rusia, que dominou toda a zona N de Amudarja; e Afganistán, que dominou a zona meridional.