Tbilisi

Capital de Xeorxia (1.309.000 h [1999]). Situada a ambos os lados do río Mtkvari (ou Kura) nun estreito val ao pé do Mtacminda, ten industria diversificada. Fundada no s IV, foi disputada por bizantinos, persas, árabes e turcos. Foi capital do Reino de Xeorxia. Foi anexada a Rusia en 1801. Desaparecida a URSS, en 1991, converteuse de novo en capital do estado independente da República de Xeorxia. Do seu patrimonio cultural destacan a catedral, ou igrexa de Sión.