Teatro Rosalía de Castro

Edificio situado na Coruña. A súa construción (s XIX) amosa un estilo ecléctico. Inicialmente recibiu o nome de Teatro Principal, pero despois dun incendio (1867), foi reconstruído por Faustino Domínguez Coumes-Gaye, desde 1909 recibiu o nome actual. Desde entón sufriu varias modificacións no que respecta á decoración, iluminación e estrutura do interior, en especial a adaptación realizada en 1910 para proxeccións cinematográficas.