Teixeira de Vasconcelos, Joaquim Pereira

Escritor portugués. Coñecido como Teixeira de Pascoaes, foi inspirador do grupo Renascença Portuguesa e do seu voceiro, a revista A Águia, que dirixiu entre 1912 e 1917. Romántico serodio, a súa cosmovisión baséase no sentimento da saudade, elevada a teoría metafísica (saudosismo). Exerceu unha profunda influencia na lírica galega de principios de século. Destacan os seus libros Senhora da noite (1909), Marânus (1911), O doído e a morte (1913), Elegia da solidão (1920) e Versos pobres (1949). Escribiu tamén ensaios e biografías.

Cronología