Thot

Deus exipcio orixinario da Hermópolis do delta e despois divindade principal da Hermópolis do Alto Exipto. Deus da sabedoría, da escritura e do cómputo do tempo, intervén no pesado do corazón (psicostase) do defunto ante o tribunal osiríaco. Os exipcios representábano como un home coa cabeza de ibis. Tiña a deusa Šešat como compañeira. En época grecorromana (232 a C- 395) foi asimilado a Hermes.