tirar

1. v t

   Impulsar ou botar algo ou a alguén a certa distancia, especialmente coa man.

   Ex: Tirábanlles caramelos aos nenos.

2. v t

   Soltar ou deixar caer algo da man.

   Ex: Tirou a arma e levantou os brazos.

3. v t

   Facer que algo ou alguén deixe de estar onde estaba, co que estaba ou con quen estaba.

   Ex: Tira un paquete de arroz do estante.

   Sinónimos: quitar, sacar.
4. v t

   Facer que algo desapareza.

   Ex: Teño que tirar esta mancha da camisa.

   Sinónimos: sacar.
5. v t

   Arrebatar ou quitar algo a alguén en contra da súa vontade.

   Ex: O ladrón tiroulle os cartos e o reloxo.

   Sinónimos: quitar, sacar.
6. v t

   Facer o necesario para obter o que se expresa.

   Ex: El quería tirar o carné de conducir.

   Sinónimos: quitar, sacar.
7. v t

   Obter ou conseguir algunha cousa ou resultado.

   Ex: Non tirou beneficios dese negocio.

   Sinónimos: quitar, sacar.
8. v t

   Imprimir un determinado número dun prego, dunha páxina ou dunha publicación.

   Ex: Tiraron só cen exemplares da revista.

9. v t

   Deixar algo ou a alguén fóra dun grupo ou conxunto do que forma parte.

   Ex: Tirándote a ti, o resto dos mozos son moi altos.

   Sinónimos: quitar, sacar.
10. v t

    Desfacerse dalgunha cousa que xa non serve ou que non se quere.

    Ex: Teño que tirar este xersei porque está rachado.

11. v t

    Derrubar ou facer caer ao chan.

    Ex: O vento tirou as tellas do tellado. OBS: Tamén se emprega seguido da preposición con. Ex: Tirou con ela da bicicleta.

12. v t

    Lanzar a pelota dunha determinada maneira ou do xeito preciso.

    Ex: Tirou o penalti.

13. v t

    Disparar un proxectil.

    Ex: A policía tirou un tiro ao ar. OBS: Nalgunhas construcións omítese o complemento e adquire valor absoluto. Ex: Tirou a dar.

14. v t

    Xogar unha carta, un dado ou unha ficha.

    Ex: Tirou o ás. OBS: Nalgunhas construcións omítese o complemento e adquire valor absoluto. Ex: Tirei mal.

15. v i

    Facer forza unha persoa ou un animal, situado diante daquilo que quere mover, para atraer unha cousa na mesma dirección ca el.

    Ex: As vacas tiraban do carro.

16. v i

    Provocar algo ou alguén un sentimento de atracción ou afección.

    Ex: Non me tira nada ir a esa festa.

17. v i

    Seguir unha determinada dirección ou traxectoria.

    Ex: Ao chegar ao cruzamento tira á dereita.

18. v i

    1. ivir alguén nunha situación precaria debido a dificultades económicas, emocionais ou de saúde.

       Ex: Non está moi ben pero vai tirando.

    2. Manterse en funcionamento ou en uso algunha cousa.

       Ex: A ver se lle tira o negocio ata que se xubile. Este ordenador xa non tira.

19. v i

    Permitir un conduto a boa circulación de aire para facilitar a combustión.

    Ex: A cheminea nova tira moi mal.

20. v i

    Ter semellanza con algo ou alguén co que se pode ter algún tipo de relación ou parentesco.

    Ex: Este rapaz tira a seu avó.

21. v pron

    Marchar ou saír alguén do lugar onde estaba.

    Ex: Tirouse da cama e foi correndo ao baño.

22. v pron

    Lanzarse ou deixarse caer nun sitio.

    Ex: Tirouse á piscina con coidado.

23. v pron

    Colocarse alguén tumbado nalgún sitio.

    Ex: Tirouse na herba e durmiu un pouco.

Frases feitas

• Tirar da boca. Adiantarse a dicir algo antes ca outra persoa.

• Tirar da/pola lingua. Facer que alguén diga ou conte algo.

• Tirar unha foto/retrato. Fotografar algo ou a alguén.