Toxa

Río da conca do Ulla, afluente do Deza pola esquerda. Nace na vertente setentrional da serra do Candán, na parroquia de Graba, concello de Silleda. O seu curso adopta unha dirección S-N coa que drena as parroquias de Fiestras, Escuadro, Margaride, Rellas, Negreiros, Chapa, Breixa, Manduas, Ansemil, Martixe e Pazos, e pouco antes da súa desembocadura forma unha fervenza despois dun percorrido de 13 km.