transposición

(< lat transposĭtu,supino de transponĕre)

s f
Acción e efecto de traspoñer.
s f [MED]
Operación cirúrxica que consiste en transplantar un enxerto sen fixalo completamente ata que queda unido ao novo lugar.
s f [FÍS]
Permutación da posición dos condutores dunha liña para establecer unha simetría eléctrica entre as diversas fases e en relación coa liña de terra ou outras liñas veciñas.
s f [MAT]
Paso dun termo dunha ecuación dun membro a outro cambiando o seu signo.
[PAT]
1. s f
  Situación inversa anormal das vísceras.
2. transposición dos grandes vasos
  Enfermidade conxénita do corazón en que a arteria aorta se orixina no ventrículo dereito e o tronco pulmonar no ventrículo esquerdo.
s f [QUÍM]
Tipo de reacción química que recolle aqueles procesos en cuxo transcurso se produce a migración dun átomo, un grupo ou unha cadea dunha posición a outra dunha molécula.

Palabras veciñas