tromba

1. s f

   Chuvia intensa, repentina e moi violenta. OBS: Tamén se denomina tromba de auga.

2. s f [METEOR]

   Nube en forma de funil, normalmente de 6 a 10 m de diámetro e de 60 a 120 m de altura, que ás veces se forma na parte inferior dun nimbo moi baixo. De menor tamaño e potencia que o tornado, é impulsado por un forte movemento rotatorio. Adoita durar de dez minutos a media hora e levanta todo aquilo que atopa. Cando se forma no mar ou sobre un lago denomínase manga.

Frases feitas

• En tromba. Todos xuntos e de maneira moi impetuosa.