uncial

Aplícase ao tipo de letras propias da escritura uncial.

Escritura latina e grega que se caracteriza polas formas arredondadas dalgunhas letras, de módulo grande e de perfís contrastados. Xurdiu do esforzo consciente de reducir na caligrafía algunhas formas cursivas da capital romana nun estado menos evolucionado, sen ter en conta a cursivización que produciu a semiuncial. Aínda que as formas preunciais apareceron nos ss II e III, o tipo perfecto non foi fixado ata o s IV. A transcrición da Biblia e doutros textos cristiáns deulle gran difusión, pero a partir do s VIII competiu con escrituras máis correntes, como as nacionais e as precarolinxias.