unicidade

Atributo de ser absoluto e infinito, versado como Deus ou como a totalidade indiferenciada de Deus e o mundo, en virtude do que non pode haber outro ser do mesmo xénero, posto que isto sería contraditorio co absolutismo e infinidade do primeiro.

Atributo polo que o individuo humano, como persoa, non é redutible a simple medio, ou puro número, ou a calquera falta de valor peculiar e, incluso, sacrificable ao conxunto, nas filosofías escolástica e personalistas.

Propiedade que fai referencia á existencia dun só resultado.

Propiedade dun teorema que demostra a existencia dun único obxecto matemático que o satisfai.