Valvoa, San Salvador de

Igrexa situada no concello de Monterroso. Datada en 1147 grazas a unha incrición, a fábrica románica esta case íntegra, agás a fachada principal. Consta dunha nave e unha ábsida rectangular, ambas as dúas con cuberta de madeira. O arco triunfal presenta unha multiplicación de arcos e nos capiteis das columnas que o sustentan represéntanse o bautismo de Cristo e a Epifanía, realizados por un discípulo do mestre Estevo das Praterías.