variable

Símbolo que nunha expresión matemática representa unha cantidade cuxo valor numérico non é especificado. No caso da expresión matemática ax+b= 0, a e b son as constantes e x a variable. A variable x representa unha cantidade que non ten un valor único senón que pode ter calquera dos valores pertencentes a un certo dominio limitado.

Conxunto de datos medibles nun espazo de probabilidade.

Cada un dos elementos mensurables cambiantes empregados para describir os fenómenos económicos e as súas relacións. Son fundamentais na formulación do modelo económico e poden ser esóxenas (cando toman uns valores que son explicativos doutras variables do modelo) ou endóxenas (que toma uns valores determinados polas outras variables do modelo e polo mesmo funcionamento deste), segundo o papel que teñan na explicación do fenómeno económico, pero nunca por natureza, pois unha variable pode ser endóxena nun modelo e esóxena noutro.

Cada unha das magnitudes físicas mutuamente compatibles que ao especificar o seu valor determínase un estado no sistema termodinámico considerado.