Viveiro, ría de

Ría do NO da provincia de Lugo, situada entre as puntas Louseira ao O e do Faro, ao L, formada na desembocadura do río Landro. Os concellos ribeiráns son Viveiro e O Vicedo. As súas dimensións son reducidas, cunha profundidade de 15 m, orientada cara ao N e exposta ao mar. No sector S hai grandes bancos de area que se cobren e descobren coa marea. No fondo da ría atópanse o porto de Celeiro e o porto deportivo de Viveiro.