Volga, República dos Alemáns do

Antiga república autónoma da URRS, dentro da República Socialista Federal Soviética de Rusia, que se correspondía co territorio creado en tempos de Catarina II de Rusia a ambas as dúas ribeiras do Volga inferior para acoller as colonias de alemáns inmigrados, procedentes maioritariamente de Suabia. En 1924 creouse a República Socialista Autónoma, que foi suprimida en 1941 e os seus habitantes deportados. Os alemáns quedaron espallados no territorio soviético, situación que non variou coa disolución da URSS.