Temas

Nome oficial do estado constituído o 7 de outubro de 1949 no territorio da Alemaña Oriental baixo o control do exército soviético dende o remate da Segunda Guerra Mundial. Trala caída do rexime comunista en 1989, foi anexionada á República Federal de Alemaña o 3 de outubro de 1990.

Estado creado despois da conquista da República de Xénova polos franceses, en xuño de 1797. A pesar da oposición dos nacionalistas italianos, foi anexionada ao Imperio Francés en 1805. Despois do Congreso de Viena (1815) pasou ás mans do rei de Sardeña.

República Autónoma de Rusia que se estende polas estribacións occidentais dos Urais meridionais (143.600 km²; 4.111.300 h [estim 1999]). A capital é Ufa. De relevo montañoso, especialmente ao L, nos Urais, o seu clima é continental seco. O bosque cobre a parte montañosa, mentres que ao O están as comarcas esencialmente agrícolas e gandeiras. A poboación está composta por baxkirianos (24,3%), tártaros (24,5%), rusos (40,3%) e outras minorías, predominando a relixión musulmana. O desenvolvemento económico deste país comezou coa explotación petrolífera en 1932 (Isimbaj), continuada por novas explotacións en 1944 (Okt’abr’skij) e en 1960, para as que se crearon as refinerías de Černitovks e Ufa, e plantas de aproveitamento de gas natural. A organización tribal dos baxkires conservou a independencia do seu territorio ata o s XIII, cando foron sometidos polos tártaros, que estableceron nel tres khanatos: o Siberiano, o Cazánico e o Nogaico. Baxkiria foi anexionada a Rusia por...

Réxime establecido en Roma desde o 9 de febreiro ata o 4 de xullo de 1849, a partir da revolución producida na cidade en novembro de 1848 e da fuxida subseguinte do Papa Pío IX. Foi gobernada por Giuseppe Mazzini, que axiña compartiu o poder con Saffi e Armellini, e confióuselle o exército a Giuseppe Garibaldi. Atacouna unha expedición militar enviada por Luís Napoleón de Francia e sucumbiu, despois de preto dun mes de asedio. Ao día seguinte, Pío IX entrou en Roma e restableceu o seu goberno.

República de Rusia (3.103.200 km²; 1.001.100 h [estim 1999]). A súa capital é Jakutsk.

República Autónoma de Uzbekistán (164.900 hm²; 1.343.000 h [estim 1993]). A capital é Nukus. Sometida polos rusos a finais do s XIX, pasou o control dos soviéticos en 1920. Rexión Autónoma de Karakalpaquistán desde 1925, en 1932 converteuse en república autónoma. En 1936 foi transferida á República Socialista Soviética Uzbeca.

República autónoma de Rusia, situada no interior do kraj de Krasnodar, na chaira que se estende dende o río Kuban aos contrafortes do Gran Cáucaso (7.600 km² ; 449.000 h [estim 1997]). A agricultura e as manufacturas son os principais recursos económicos. A capital é Maikop. Adiguesia era o nome indíxena de Circasia , país anexionado ao Imperio ruso no 1829 polo Tratado de Adrianópole. A oblast autónoma foi creada en 1922.

República xermánica (1815-1866) situada entre o electorado de Hessen, o gran ducado de Hesse-Darmstadt e o ducado de Nassau. Apoiou a Austria en 1866 e o exército prusiano ocupou o seu territorio, que foi incorporada á nova provincia de Hesse-Nassau.