Temas

República autónoma dentro da República de Xeorxia (8.660 km²; 516.000 h [estim 1993]). Ocupa o ángulo NO da depresión do Rioni, entre o Cáucaso e o Mar Negro. Presenta tres rexións fisiográficas: a litoral, as serras e a zona axial paleozoica do Cáucaso, que alcanza os 3.000-4.000 m. O clima é de tendencia subtropical, mediterráneo húmido. Destacan a agricultura e a minería da hulla. Unha sexta parte da poboación é, etnicamente falando, abkhaza; o resto está composta de xeorxianos, armenios e rusos. Sukhumi, a capital, é o centro cultural e industrial, así como un dos núcleos turísticos da riviera de Abkhazia. O nome de Abkhazia aparece no s VIII, no territorio da antiga Cólquida. Moreas de pobos forasteiros sucedéronse neste recuncho do Cáucaso: colonias gregas xonias sometidas a Mitrídates da Ponte, aos romanos, ao Imperio Bizantino, aos sasánidas, aos árabes e aos mongois. Entre 1806-1810, os rusos desprazaron os dominadores turcos. No ano 1921 constituíuse en República...

República da Federación Rusa (415.900 km²; 1.151.700 h [1997]). A capital é Syktyvkar. A principal actividade económica é a explotación de xacementos de carbón na conca do Pečora. As principais industrias son as derivadas da explotación forestal, do carbón e do petróleo. A finais do s XIV, os komis foron cristianizados por Stepan de Perm. En 1921 a área dos komis converteuse nunha oblast’ autónoma e posteriormente (1936) recibiu o estatuto de república autónoma. Trala disolución da URSS (1991) converteuse nunha república da Federación Rusa.

Estado creado ao S do río Po polo xeneral Napoleón Bonaparte o 16 de outubro de 1796. Reunía os ducados de Modena e de Reggio, e as legacións pontificias de Boloña e Ferrara. En febreiro de 1917, trala sinatura do Tratado de Tolentino, incorporou a Romaña ao seu territorio. Desapareceu definitivamente o 17 de xullo de 1797, cando Napoleón decidiu integrala na República Cisalpina.

República Federal de Rusia, situada no centro da parte europea de Rusia, á beira do río Volga (23.200 km²; 761.400 [estim 1999]). A capital é J ǒ skar-Ola. O relevo é unha planicie ao NL e cara ao O descende converténdose nunha depresión pantanosa. O clima é moderadamente continental. O Volga é o río principal, e transcorre pola fronteira S da república ao longo de 150 km. A meirande parte do territorio está cuberto de coníferas. O 45% da poboación é urbana. Nos recursos naturais destaca a extracción de cuarzo, silicatos e turba. A industria principal é a mecánica e a forestal, aínda que tamén posúe industria do papel e de aparatos semicondutores.

Nome oficial do antigo estado prosoviético de Iemen do Sur ata 1990, cando se fusionou con Iemen do Norte.

Taiwán.

República de Acerbaixán, que limita ao N e ao L con Armenia e ao S e ao O con Irán (5.500 km²; 305.700 h [estim 1991]). A súa capital é Naxçivan (63.100 h [1996]).

Entidade política xurdida no s XII ao redor da cidade de Florencia, independizada de calquera outra xurisdición. Liberada do dominio nobiliario trala morte da condesa Matilde de Canossa (1115) e despois de derrotar o vicario imperial, constituíuse unha república dirixida por un goberno de cónsules, elixidos entre a aristocracia, e apoiados pola Igrexa e os membros destacados da burguesía mercantil que formaban as Arti Maggiori. A súa expansión territorial comezou coa conquista de Fiesole (1125) e estableceu unha alianza comercial con Pisa. Promoveu a liga güelfa toscana (1197) co obxectivo de liberar as cidades do Imperio Xermánico. Entre 1191 e 1196 ensaiaron a substitución dos cónsules polo goberno dun podestá. Os enfrontamentos con Pisa polo dominio da Toscana comezaron no 1218 e mesturáronse coa loita entre o Emperador Federico II e o papado. O triunfo dos xibelinos, que se fixeron co poder entre 1248 e 1250, provocou a reacción da burguesía, que conquistou o poder co apoio...

República autónoma de Rusia, situada no interior do kraj de Krasnodar, na chaira que se estende dende o río Kuban aos contrafortes do Gran Cáucaso (7.600 km² ; 449.000 h [estim 1997]). A agricultura e as manufacturas son os principais recursos económicos. A capital é Maikop. Adiguesia era o nome indíxena de Circasia , país anexionado ao Imperio ruso no 1829 polo Tratado de Adrianópole. A oblast autónoma foi creada en 1922.

Nome oficial do estado constituído o 7 de outubro de 1949 no territorio da Alemaña Oriental baixo o control do exército soviético dende o remate da Segunda Guerra Mundial. Trala caída do rexime comunista en 1989, foi anexionada á República Federal de Alemaña o 3 de outubro de 1990.