Volgograd

Capital da oblast’ homónima, Rusia (1.005.000 h [1997]). Cidade portuaria no Volga inferior, alí comeza o canal Volga-Don. Ten fábricas de tractores, industria metalúrxica e de aluminio, estaleiros, refinarías de petróleo e maquinaria para a industria petroleira. Fundouse co nome de Caricyn ou Tsaritsyn en 1589 para defender o territorio ocupado pola Horda de Ouro, contra as invasións.   A finais do s XIX converteuse nun centro industrial. Entre 1925 e 1961 chamouse Stalingrado e foi escenario da Batalla de Stalingrado (1942-1943).