Xosué

Personaxe bíblico. Líder dos hebreos e sucesor de Moisés, levou o pobo de Israel á terra de Canaán e loitou cos pobos que a ocupaban. A tradición atribúelle numerosas vitorias, entre as que destaca a de Gabaón, celebrada cun cántico que, interpretado literalmente, orixinou a crenza de que fixo que o Sol se detivese. Represéntase con roupa militar ou armadura, con espada e lanza. A súa festividade celébrase o 1 de setembro.