Zamora

Provincia da Comunidade Autónoma de Castela e León, formada por 274 municipios (10.559 km 2; 199.090 h [2001]). A súa capital é Zamora . Ademais da capital, destacan os núcleos de Benavente (16.590 h [2001]) e Toro (9.282 h [2001]). A súa economía depende do sector primario (cereais, remolacha azucreira, vide, hortalizas, patacas e leguminosas, e gandaría bovina e porcina), a partir do que se desenvolveu unha industria agroalimentaria.