Zimmermann, telegrama

Telegrama enviado polo ministro alemán de Asuntos Estranxeiros Arthur Zimmermann (1864-1940) ao embaixador alemán en México, o 19 de xaneiro de 1917, no que se propuña unha alianza xermano-mexicana e ofrecía a aceptación alemá a unha futura ocupación mexicana de Novo México, Texas e Arizona. Foi interceptado polos británicos e comunicado ao presidente estadounidense Wilson. Este incidente diplomático deteriorou as relacións de EE UU con Alemaña.