fértil

(< lat fertĭle)

adx Antónimos: estéril.
1. [BIOL]
  Aplícase ao individuo con capacidade para participar na reprodución.
  Antónimos: estéril.
2. [BOT]
  Aplícase á flor con capacidade para orixinar froito.
  Antónimos: estéril.
3. [AGR]
  Aplícase ao solo que presenta unha alta produtividade. As condicións que favorecen a fertilidade dun solo son: presentar unha composición granulométrica equilibrada; un bo complexo arxilo-húmico; unha alta capacidade de cambio catiónico; humidade suficiente; microflora rica e elementos minerais abundantes e non tóxicos.
  Sinónimos: feraz. Antónimos: estéril.
adx
Que produce abundancia de ideas, obras intelectuais ou cousas inmateriais en xeral.

Ex: É un escritor moi fértil, escribe tres libros cada ano.
Antónimos: estéril.
adx [FÍS]
Aplícase ao elemento con capacidade para servir de combustible nuclear, como é o caso do 238 U e 232 Th.

Palabras veciñas