ferver

1. v i

   Sufrir unha substancia o fenómeno de ebulición. Na tradición oral recóllense ditos como: “Ola que moito ferve, sazón perde. O fillo por nacer e as sopas xa están a ferver.”

   Ex: Cando a auga ferva botas as patacas.

2. v i [FÍS]

   Estar un líquido axitado de forma semellante á auga cando está en ebulición, a causa dunha fermentación, dunha axitación mecánica ou dunha reacción química na que se producen burbullas de gas.

3. v i

   Estar nun estado de excitación moi grande.

   Ex: Fervía en desexos de viaxar a aquel país.

4. v i

   Sentir moita calor.

   Ex: Férvenme as mans con tanta calor.

5. v t

   Aplicar calor a un líquido ata que chegue á ebulición.

   Ex: Ferve un pouco máis de leite para min.

6. v t

   Cociñar algo en auga fervendo ou noutro líquido.

   Ex: Fervo unhas patacas e unhas verzas e xa como.

7. v t

   Meter algo nun líquido que está en ebulición para limpalo ou esterilizalo.

   Ex: Xa fervín os botes para meter dentro o tomate.

8. Que é moi apaixonado nos seus sentimentos.

Frases feitas

• Ferver a berro alto/a cachón/a callón/a gallardón. Ferver con moita forza e facendo moito ruído.

• Ferver de. Estar algo moi cheo de certa cousa. Ex: Aquela cidade fervía de xente.

• Ferver o sangue no corpo/Ferver por. Estar moi excitado.

• Ferver en pouca auga. Exaltarse alguén por algo sen importancia.

Refráns

• Auga fervida é media vida.
• Auga mala, fervida e escoada.