Fisher, Irving

Economista. Incorporou a aplicación matemática ás análises económicas e foi considerado un dos precursores da econometría. Na súa obra The Mathematical Investigations in the Theory of Value and Prices (1892) examinou a teoría monetaria desde a óptica marxinalista e introduciu os “números índices”, indicadores da evolución da moeda. Elaborou unha fórmula coñecida como a fórmula de Fisher ou ecuación de cambio da teoría cuantitativa, para explicar as relacións entre a oferta monetaria e a súa velocidade de circulación con respecto ao nivel de prezos.

Cronología