Fishman, Joshua A.

Sociolingüista. Ao rematar os seus estudios na University of Pennsylvania (1944-1948), estudiou yiddish con Max Weinreich. O seu primeiro artigo publicouse en Yidishe shprakh (1947) e, en 1949, o Yiddish Scientific Institute concedeulle un premio por un monográfico sobre o bilingüismo (publicado posteriormente en 1951). En 1960 ingresou na Yeshiva University de Nova York como profesor de psicoloxía e socioloxía. Centrou os seus estudios, sobre todo, no bilingüismo e multilingüismo, educación bilingüe e de minorías étnicas, linguaxe e nacionalismo, socioloxía do yiddish e planificación da lingua. Fundou o International Journal of the Sociology of Language (1973) e publicou, entre outras obras, Language Loyalty in the United States (1964), Yiddish in America (1965), Bilinguism in the Barrio (1968), pioneiro estudo do multilingüismo colectivo, Language Problems of Developing Nations (1968), sobre a planificación da lingua, Readings in the Spociology of Language (1968), Language and Ethnicity in Minority Perspective (1989), Reversing Language Shift: Theory and Practice of Assistance to Threatened Languages (1991), Yiddish: Turning to Life (1991), The Earliest Stage of Language Planning (1993) e Handbook of Language and Ethnicity (1999).

Cronología