Flammarion

Editorial francesa fundada en París en 1875 por Ernest Flammarion. A finais do s XX, do mesmo xeito que Gallimard, Albin Michel e Le Seuil, constituíuse nunha das principais editoriais independentes francesas e a única que cotizaba en bolsa. O 18 de outubro de 2000, o grupo italiano Rizzoli Corriere della Sera (RCS) mercou un 77,69% das accións controladas pola familia Flammarion e converteuse no líder do sector da edición de libros en Italia, cun volume de negocio que superaba os 665 millóns de euros.