Florentino/Florentina

Antropónimo derivado do latín florentīnus, xentilicio de Florencia, ou derivado de florens ‘en flor, florido’. Presenta os hipocorísticos Tino, Floren, Floro, Flor/Flori, Tinucha. Santa Florentina (s VI), natural de Cartaxena, foi irmá de tres famosos santos: Leandro e Isidoro de Sevilla e mais Fulxencio, bispo de Écija. Chegou a ser abadesa dun mosteiro de Sevilla fundado polos seus irmáns. Na iconografía viste hábitos monacais e como atributos leva un lirio (símbolo da virxindade). Santa Florentina celébrase o 20 de xuño; o abade Florentino, o 12 de abril; e o mártir Florentino, o 27 de setembro.