foehn, efecto

Disimetría dos rexistros termopluviométricos das vertentes de barlovento e sotavento dunha montaña. Prodúcese pola interposición do relevo na traxectoria dunha corrente de aire, de xeito que obriga a esta a ascender en altitude para superala, o que implica un descenso de temperatura que pode chegar ao punto de condensación da auga; ao producirse a precipitación sobre a vertente de barlovento a masa de aire que chega a sotavento é seca. A persistencia de fluxos dunha compoñente determinada modifica as características de ambas as vertentes, de xeito que unha é extremadamente seca en comparación coa outra.