fol

1. adx

   Aplícase aos alimentos con casca, como mariscos, froitas ou sementes, que presentan menos carne da que sería de esperar polo seu volume.

   Sinónimos: fole.
2. s m

   Utensilio formado por dúas pranchas ou táboas de madeira unidas entre si por unha peza de pel que cando se achegan os seus extremos sae o aire.

   Ex: Aguzou o lume co fol. As vides bótaselle o xofre cun fol.

   Sinónimos: barquín, foxa, fole.
3. s m

   Saco de coiro ou doutro material semellante que serve para conter líquidos ou transportar algo sólido. Na tradición oral recóllense ditos como: “Fol mollado, masa leva. Fol sacudido non entra no muíño. Fol sobado, máis fariña leva. O fol e a taleiga, o que lle boten, iso levan.”

   Sinónimos: fole.
4. s m

   Parte da gaita en forma de bolsa onde se contén o aire que despois se expulsa mediante a presión do brazo polos pallóns e mais pola palleta. Elabórase con distintos materiais, principalmente con pelexo de cabrito, coiro acharolado, pel de canguro e fibra sintética de goretex.

   Sinónimos: fole.
5. s m

   Ondulación do fío dos instrumentos cortantes, especialmente da gadaña.

   Sinónimos: fole.
6. s m [IND/ARTE]

   Cuberta opaca, pregable e axustable, que se emprega para afastar o obxectivo da cámara e realizar así traballos de aproximación.

   Sinónimos: fole.
7. s m

   Capacidade respiratoria dunha persoa.

   Ex: Fáltame fol para seguir correndo.

   Sinónimos: fole, folgo.
8. s m

   Termo da xerga das palilleiras que designa as engurras que fai o pano de encaixe cando este non se fai dunha soa vez.

   Sinónimos: fole.

Frases feitas

• Non ser fol de ferreiro. Non poder estar sempre traballando.