Mitsubishi

Conglomerado industrial xaponés de grande importancia. Creado na primeira metade do s XIX, contribuíu dun xeito decisivo ao desenvolvemento do capitalismo xaponés. Dedicouse inicialmente ao transporte marítimo e, arredor de 1890, fíxose cargo dos estaleiros de Nagasaki. Antes da Segunda Guerra Mundial chegou a ser unha das catro principais zaibatsu de Xapón. Disolveuse en 1946 e reapareceu en 1952, co nome de Fiji Trading Company. Integra empresas de sectores moi diversos, todas elas catalogadas dentro das primeiras empresas do sector a escala mundial.