moderno -na

(< lat modernu ‘recente’)

adx
Relativo ao tempo presente ou a unha época relativamente próxima.

Ex: Vivo na parte moderna da cidade.
Sinónimos: actual.
adx e s
Aplícase a algo que é propio do tempo presente.

Ex: Isto resolveuse coa aparición da ciencia moderna.
Sinónimos: actual.
adx e s
Que ou quen adopta os novos usos, gustos ou avances máis recentes.

Ex: Tes unhas ideas demasiado modernas. A moderna da túa irmá sempre viste con roupa rechamante.
1. adx
  Relativo ou pertencente á Idade Moderna.
2. Idade Moderna [HIST]
  Período en que se divide a historia, posterior á Idade Media e anterior á Idade Contemporánea, establecido segundo a división cronolóxica da historiografía occidental. O seu inicio considerouse o s XVI tras a caída de Constantinopla (1453) e o descubrimento de América (1492). Abrangueu os ss XVII e XVIII e rematou coa chegada ao poder da burguesía e a Revolución Industrial do s XVIII. A data límite marcouse no proceso revolucionario francés de 1789. Ademais de á historia, aplícase ás manifestacións culturais e sociais que aconteceron durante ese tempo como a filosofía, a política, a arte, a socioloxía e a política, entre outras.

Palabras veciñas