² mol

Unidade de cantidade de materia que equivale á dun sistema que contén tantas entidades elementais como átomos hai en 0,012 kg de carbono 12. O mol é unha das sete unidades básicas do SI engadida ás outras seis en 1971. A definición de mol é, ao mesmo tempo, unha aclaración do significado da magnitude física denominada cantidade de materia, que se diferenza da masa: a materia está constituída por entidades elementais (átomos, ións ou moléculas); e dúas mostras de materia, formadas por átomos, ións ou moléculas, teñen a mesma cantidade de materia se conteñen o mesmo número de átomos, de ións e de moléculas respectivamente. O mol establece o número destas entidades que se considera como unidade: un mol contén NAentidades elementais, xa que 0,012 kg de carbono 12 conteñen NA átomos de carbono (NAé o número de Avogadro, NA= 6,022045 x 1023).